Así de bonita quedou a árbore de estrelas á entrada da biblioteca. Grazas rapaces!
Feliz ano e proveitosas lecturas para todos!
xoves, 28 de decembro de 2017
Nadal de conto na biblioteca
Noutras sesións de Nadal de conto os rapaces elaboraron con material de
refugallo uns simpáticos reis magos e remataron de elaborar a árbore de
nadal da biblioteca
sábado, 23 de decembro de 2017
Club de lectura
O pasado xoves entre doces e viño escumoso celebramos o último club de lectura do 2017 onde falamos da obra Nosotras, que nos queremos tanto de Marcela Serrano.
É a historia de catro amigas chilenas durante a etapa da dictadura de Pinochet e a transición á democracia. As vidas de María, Sara, Isabel e Ana entrelázanse coa situación política da época e a novela, coma nun espello, reflicte as distintas realidades das mulleres na sociedade do país durante eses anos.
O amor, a búsqueda da identidade, a violencia política, os roles de xénero e os estereotipos son algúns dos temas que aparecen nesta historia.
Na reunión do xoves compartíronse opinións e visións moi diversas sobre o libro. Algunhas integrantes emocionáronse coas vivencias das protagonistas, a outras pareceulles que o paso do tempo non lle sentara moi ben á obra. Houbo unanimidade nas dificultades que por momentos se tiña para seguir o fío debido aos numerosos personaxees e os saltos narrativos. En calquera caso e coma sempre pasámolo moi ben coa lectura.
Verémonos o 25 de xaneiro coa obra Astrid y Veronika de Linda Olsson.
Un ano fantástico compartindo lecturas!
xoves, 21 de decembro de 2017
Nadal de conto na biblioteca.
O pasado venres día 15, empezamos cos obradoiros de Nadal que xa son un clásico na programación da biblioteca. O alumnado de educación infantil foi o invitado, así coma os seus pais e nais. Todos participaron de xeito activo e botamos unhas risas.
Despois, Cris mostrou un conto sobre un granxeiro moi particular.
Un granxeiro que vivía nunha granxa pequena, con poucos animais e que se vestía moi abrigado e de cor vermello...
Rosa iniciou a sesión de contacontos cunha historia moi vistosa sobre os Reis Magos.
Tamén houbo lugar para comentar sobre o Apalpador. Chegará ata aquí? Seica anda algo despistado, segundo nos informaron uns nenos.
Despois, Cris mostrou un conto sobre un granxeiro moi particular.
Un granxeiro que vivía nunha granxa pequena, con poucos animais e que se vestía moi abrigado e de cor vermello...
Tras os contos, veu a parte do obradoiro.
Os peques e os maiores, demostraron a súa creatividade
Levaron para a súa casa os seus propios bonecos de neve. Mirade que chulada!
E tras os bonecos decoraron magnificamente unhas estrelas que formarán a árbore de Nadal da biblio. Aí tendes algúns dos participantes no obradoiro posando diante delas.
Pasámolo moi ben, a que si rapaces!?
Boas festas e ata pronto.
martes, 19 de decembro de 2017
martes, 12 de decembro de 2017
Coñece a túa biblioteca
O pasado martes 5 de decembro empezamos coas visitas guiadas á biblioteca do alumnado dos centros educativos do Concello de Caldas de Reis. Os primeiros en acudir foron os nenos e nenas de 5º e 6º de Educación Infantil do CPI Alfonso VII acompañados das súas profesoras.
Cristina díxonos o que hai que facer para comer un lobo...
Entre todos investigamos a que sabe a lúa.
Ainda que algúns nenos xa son caras coñecidas da biblioteca todos estiveron moi atentos ás explicacións sobre como facer o carné de préstamo.
Descubrimos que as xirafas poden bailar!
Moitas grazas pola visita!
xoves, 7 de decembro de 2017
martes, 5 de decembro de 2017
luns, 4 de decembro de 2017
Club de lectura
O frío non foi impendimento para ter unha agradable reunión do noso club de lectura, en torno ao libro La caída de los cuerpos de Maurice Druon. É o segundo título dunha triloxía que inaugurou con Las grandes familias pola que recibiu o premio Goncourt en 1948.
O fundimento de dúas grandes familias, por un lado os representantes da aristocracia, o clan de La Monnerie e por outro, o dos grandes burgueses, os Schoudler é o centro da novela. Pero cando uns caen, outros suben, e os que queren alcanzar a cima do poder van a facelo a costa de calquera cousa...
É, sen dúbida, un retrato da sociedade francesa de entreguerras, coa peculiaridade desoladora de que a todos nos pareceu moi verosímil e cercano. Todas as épocas de crises se parecen?
Maurice Druon demostra o seu dominio da linguaxe ao realizar un relato moi visual e descritivo de xeito que facilmente imaxinabas as escenas. O pesimismo sobre a natureza humana está moi presente na novela xa que en case todos os personaxes prevalece o seu lado máis escuro.
Os membros do club de lectura souberon recoñecer a habilidade novelística do autor e alabaron as súas proezas estilísticas mais o tema político e o número elevado de personaxes fixo que para algunhas persoas a lectura fose entre pasable e entretida. Para outras, en cambio, o libro deixonas marabilladas.
O misterio das lecturas compartidas!
Para a seguinte reunión, a conversación xirará en torno a Marcela Serrano e a súa famosa novela Nosotras que nos queremos tanto.
venres, 24 de novembro de 2017
Os ratiños da caixa
Hoxe estiveron os ratiños de Lonxedetoodo en Caldas de Reis da man de TrinkeTrinke Teatro. Un grupo de trinta e catro nenos e nenas acompañados dos seus pais achegáronse ata a biblioteca para este contacontos teatral...que ben o pasamos cos contos que trouxeron!
Os ratiños eran un pouco trastes pero moi divertidos.
Precisou un voluntario...
Menudo vento facía...todos a soprar!
Ata outra ratiños! Grazas por vir!
mércores, 22 de novembro de 2017
Caldas, en negro
A Biblioteca Pública Municipal "P. M. Martínez Ferro" puxo o seu gran de area na campaña na que participa o Concello de Caldas de Reis co gallo do Día Internacional da Eliminación da Violencia contra as Mulleres, "En negro, contra as violencias".
venres, 17 de novembro de 2017
Os ratiños da caixa
Parte da familia de ratos de Lonxedetodo volven a visitar Caldas de Reis e como son tan afeccionados ás bibliotecas farán unha paradiña aquí, na Biblioteca Pública Municipal "P. M. Martínez Ferro".
Xa estás tardando...prazas limitadas!
xoves, 9 de novembro de 2017
Canciones para no escuchar y otros
Este verán Ernesto Diéguez Casal, veciño de Caldas de Reis, presentou a súa primeira novela "Canciones para no escuchar". Escolleu para facelo a biblioteca municipal e estivo acompañado do editor Carlos Tosca Marín de "La Pajarita Roja Editores" que agasallou ó centro cun lote de obras moi atractivas:
- Ineludibles. N INE
- La isla de las Culebras. Miguel Torija Martí. N TOR isl
- Intransferibles. N INT
- El inexplicable poder de la novena planta. María José Clemente Madrid. N CLE ine
- Guía de hoteles inventados. Óscar Sipán. N SIP gui
Moitas grazas!
xoves, 2 de novembro de 2017
Novidades de novembro
Para os máis grandes, narrativa, poesía e divulgación.
Os pequenos e o mundo que os rodea...
Ficción infantil e xuvenil !
...e temporadas completas de tres series magníficas: The Wire, Breaking Bad e Los Soprano.
Para ver a lista completa de novidades pica no seguinte enlace:
venres, 27 de outubro de 2017
Club de lectura
O club de lectura xa está de volta!
Empezamos falando dos libros que nos acompañaron durante o verán. Olalla recomendou Tierra de Campos de David Trueba e de Alejandro Palomas, Una madre. Pili comentou o moito que lle gustou Tenemos que hablar de Kevin de Lionel Shriver e Chus apuntou Todo esto te daré de Dolores Redondo.
Iniciamos esta nova tempada co título La amiga estupenda de Elena Ferrante. Esta obra é a primeira dunha tetraloxia que tivo un gran éxito e do que
na biblioteca somos testigos xa que a demanda era continua. Como vén
sendo habitual houbo disparidade de opinións. Algúns dos integrantes do
grupo comentaron que a relación de amistad entre as nenas non era
creíble, así como o personaxe de Lila, que parecía demasiado extremo.
Destacouse a violencia que se respira na historia tanto na familia como
na escola ou nas rúas.
O libro deixa un final aberto, con moitos fíos por atar sen embargo non todos mostraron interés por seguir coa saga.Outro dos temas que dou xogo foi o da autoría. Elena Ferrante é un seudónimo e polo tanto descoñécese realmente quen está detrás. Algúns tiñán moi claro que a escrita era a dun home pero... quen sabe?A seguinte reunión terá lugar o 30 de novembro e o título do libro que comentaremos é La caída de los cuerpos de Maurice Druon.
Subscribirse a:
Publicacións (Atom)